डा. गोविन्द केसी र सरकारी टोलीबीचको सहमति अड्कियो

काठमाडौं । अनशनरत डा। गोविन्द केसी पक्ष र सरकारी वार्ता टोलीबीच माग सम्बोधनको विषय ‘सहमतिनजिक’ पुगेको छ । सहमतिको मस्यौदा अनुमोदनका निम्ति प्रधानमन्त्री तथा मन्त्रिपरिषद्को कार्यालयसहित शिक्षा र स्वास्थ्य मन्त्रालयमा पठाइएको छ ।

केन्द्रबाट जवाफ आएपछि आजै (साउन ११) अन्तिम सहमतिमा पुग्ने तयारी रहेको केसीका पक्षबाट वार्तामा सहभागी डा। अमृत जैसीले बताए । डा। केसीका पाँच मागमध्ये अधिकांशमा सहमति जुटेको जनाइएको छ ।

सहिद दशरथचन्द स्वास्थ्य विज्ञान विश्वविद्यालयका रजिस्ट्रार डा. भीमबहादुर चन्दलाई पदमुक्त गर्ने विषयमा दुई पक्षबीच सहमति भएको छ । तर, उनले राजीनामा नदिने भनेपछि अब के गर्ने भन्ने विषयमा सरकारी टोली अलमलमा परेको स्रोतको भनाइ छ ।

आइतबार (साउन १०) करिब ११ घण्टा चलेको वार्ता निष्कर्षमा पुगेको थिएन । सोमबार बिहान १० बजेदेखि पुनः वार्ता सुरु गरिएको थियो ।

बिहीबार ९साउन ७०देखि डा. केसी कैलालीको धनगढीमा २४औँ अनशनमा छन् । स्वास्थ्य अवस्था जटिल बनेपछि शनिबार (साउन ९)देखि उनलाई सेती प्रादेशिक अस्पतालमा चिकित्सकको निगरानीमा राखिएको छ ।